Tasken na ho jis se woh raz badal dalo,
Jo raz na rakh paye hamraz badl dalo,
Tum ne bhi suni ho gi bari am kahawat ha,
Anjam ka ho khatra to aghaz badal dalo,
Pur-soz dilon ko jo muskan na de paye,
Sur hi na mile jis mein woh saz badal dalo,
Dushman k iradon ko hai zahir agar karna,
Tum khel wohi khelo andaz badal dalo,
Ay dost karo himat kuch door sawera hai,
gar chahte ho manzil parwaz badal dalo..
