Main apane hath se us ki dulhan sajaun gi

Kamal e zabt ko khud bhi to azamaun gi

Main apane hath se us ki dulhan sajaun gi

Supurd kar ke use chandani ke hathon
Main 

Apane ghar ke andheron ko laut aun gi

Badan ke karb ko wo bhi samajh na paye ga

Main dil may roun gi ankhon may muskuraun gi

Wo kya gaya ke rafaqt ke sare lutf gaye

Main kis se ruth sakungi kise manaun gi

Wo ik rishta e benam bhi nahi lekin

Main ab bhi us ke isharon pe sar jhukaun gi

Bicha diya tha gulabon ke sath apna wajud

Wo so ke uthe to khwabon ki rakh uthaun gi

Ab us ka fan to kisi aur se manasub hua

Main kis ki nazm akele may gungunaun gi

Jawaz dhundh raha tha me muhabat ka

Wo kh rahi th i ke main us ko bhul jaun gi

Sanaton may ghane jangalon ki sansen hain

Main ab kabhi teri awaz sun na paun gi